¿por qué?

¿POR QUÉ NUN DEBIEREMOS COMER ANIMALES NON HUMANOS NIN LOS SOS DERIVAOS (LLÁCTEOS, GÜEVOS YA MIEL)?

Sobre too porque tolos animales con sistema nerviosu, ya polo tanto con capacidá de sentir, merecen derechu a la vida ya la llibertad. Los humanos podemos tar perfechamente saludables siendo 100% vexetarianos (alimentándonos con nutrientes d'orixen vexetal). Al comer carne (de gochu, vaca, atún, etc...) tás pidiendo que los maten por ti.

Nun ye xustu siguir siendo especista( esbillar a un individuu o collectibu por cuentes de la especie a la que se pertenez), poro, debemos respetar los intereses de tolos animales, humanos y non humanos, ensin importar la so especie, de igual mena tampoco deve importanos la so raza o sexu.

Amás, arimarás el llombu pa paliar la fame de los humanos nel tercer mundiu ya que güei en día llevense los cultivos d'eses fasteres facia'l primer mundiu pa engurdiar los animales non humanos, que dempués son asesinaos nos mataderos, cuando lo más éticu sedría dexar los cultivos nes fasteres d'orixen pa que los sos habitantes humanos puean alimentase, ya que se desanicie la cría, engurdie ya asesinatu d'animales non humanos.

Tamién arimaras el llombu pola ñatura, porque pa la obtención de cada quilu carne de vaca foron necesarios 15.000 llitros d'agua ya 15 quilos de cereales. L'alimentación a traviés d'ingredientes d'orixen animal supon un desaniciu proteínes, esto amósase per aciu d’unes cencielles cifres: d'un cultivu de 100m2 de soya obtienense 5 kilos de proteína, que pueden cubrir les necesidades de 70 persones demientres un día, por embargu a la contra si s'utiliza p'alimentar animales non humanos sólo algamaremos ½ quilu carne, lo xustu p'alimentar a ¾ persones al día. De contino desconozse que, ante'l problema mundial d’escasez d'agua (la bayura d'humanidad nun dispon d'agua llimpia ya sana), el 80% de los recursos acuíferos ye pal consumu d'estos animales non humanos qu'acabarán nel mataderu.

Amás, tamién ye posible evitar problemes de salú (cardiovasculares, etc.)

¿POR QUÉ NUN DEBIERAMOS MERCAR PRODUCTOS TESTAOS O ESPERIMENTAOS N'ANIMALES NON HUMANOS?

Porque la esperimentación n'animales non humanos ye la causa de l'agonía ya muerte de millones d'individuos al añu.

D'igual mena que la bayura la sociedá atalanta que nun ye xustu usar a unos humanos ensin el so consentimientu en porgüeyu d'otros (como hestóricamente se fizo utilizando a individuos esbillaos pola so raza o color de piel, como nel casu de la xente prieta ya los xudíos), tampoco ye xustu esperimentar n'animales non humanos pol fechu de tar dientu d'otra especie, anque'l fin pueda ser perbonu ya ser bono pa los individuos de la especie humana, porque ellos merecen tantu derechu a vivir, ser llibres ya nun ver perxudicaos los sos intereses como nosotros/es.

¿POR QUÉ NUN DEBIERAMOS MERCAR ROPA O COMPLEMENTOS (ZAPATOS, CINCHOS, BOLSOS, ETC.) QU'INCLUYAN CUERU, LLANA O SEDA?

Porque cuando merques un productu de piel (cueru o pelu) tás sofitando que maten individuos con capacidá de sentir que-y arramplen el peyellu de "so" pol caprichu de que tú la lluzcas. Amás, mercando productos de cueru agabitamos a que los productos "sobrantes" de la industria cárnica seyan mas rentables.

No que cinca a la seda ye normal desconocer lo qu'asocedia yá que los merucos muerren amburaos al meter los capullos de seda n'agua ferviendo, con ellos dientru.

D'otra miente, el consumu de llana implica privación de llibertá de les oveyes y, cuando dexen de ser consideraes como productives, son asesinaes nos mataderos. Hai nel mercáu bayura alternatives como l'algodón, los productos sintéticos, la llona, l'espartu, etc...