Manifiestu

Defensanimal.org ye una ONG que defende'l porgüeyu de TOLOS animales non humanos.

Tratamos de reeducar a la sociedá pa que seya consciente de que tolos animales que tenemos sistema nerviosu (humanos, perros, gochos, atunes, pites, mures, etc.) poseyemos capacidá de sentir (duelgu, placer, miéu, etc.) poro, tenemos intereses que debieren ser respetaos.

L'oxetivu de Defensanimal.org ye esaniciar l'especismu (esbilla por mor de la especie), que ye tan inxustu como'l sexismu o el racismu, anque les víctimes seyan animales d’otres especies estremaes de la humana.

Cada vegada más xente atalanta, afortunadamente, que nun ye xustu arrampla-y la vida a un perru na perrera, poro, lo que nun ven ye que tampocu ye xustu arrampla-y la vida a un gochu nun mataderu, a un atún nun barcu pesqueru, o a mur nun llaboratoriu.

Dende Defensanimal.org sofitamos el veganismu, que ye'l nun usar animales non humanos en dalu aspeutu de les nueses vides, poro, una alimentación 100% vexetariana (ensin derivaos llácteos, güevos nin miel), ropa ya complementos que nun incluyan cueru, llana o seda, non al usu de produtos testaos o esperimentaos n'otros animales, non a la asistencia a cárceles d'animales non humanos col nomatu de zoolóxicos o acuarios, la nun participación en folixes o espectáculos qu'utilicen a otros animales (en circos, por exemplu), etc.

Defensanimal.org pidiguña'l "esaniciu" de tola actividá o actitú especista, poro nun pide una regulación o meyora nes condiciones nes que son esplotaos o utilizaos, nin pide que seyan asesinaos con menor duelgu nos mataderos, barcos pesqueros, piscifactoríes, llaboratorios, industries peleteres, etc.

Ye totalmente inxustu que, por exemplu, siendo omnívoros (lo que ye que podemos comer ingredientes d'orixen animal, por embargu, nun ye que necesitemos facelo, anque lo creya erróneamente bayura de xente) seyan asesinaos "3.000 individuos cada segundu" pala alimentación humana. Podemos ser 100% vexetarianos, de tal mou que temos sanos/es ya ensin perxudicar a naide.

Defensanimal.org fáe alderiques, Video-Forums, Talleres de cocina vegana (100% vexetariana), un programa mensual de radio, Concentraciones ya "performances", cartafueyos informativos, etc. ya lo mas importante que ye la web www.defensanimal.org pa informar ya engabitar a los/es que son especistes pa que reburdien d'ello.

Tolos/les socios/es, activistes ya collaboradores de Defensanimal.org yéramos especistes, ya somos un exemplu de que toos/es podemos dexar de serlo.

Por un mundiu más xusto pa toos/es... stop discriminaciones... stop especismu.

Pa finar citamos lo dicho pola escritora Alice Walker:

"Los animales (non humanos) esisten nel mundiu poles razones propies. Nun foron fechos pal (animal) human, talamente que la xente prieta nun foron fechos pa los blancos, nin la muyer pal home".